"తెబ్రా" లకన్నా "ఆంబ్రా"లకు "ఆ-డంబరం" ఎక్కువ.

ఆంబ్రా (ఆంధ్రా బ్రాహ్మణులు) లకు "ఆడంబరము" జాస్తి. తెబ్రా(తెలంగాణా బ్రాహ్మణులు)లకు ఈ తీట లేదు అని లేటెస్టుగా శతచండీయాగకర్త యాగం లో భాగంగా _ వాక్రుచ్చారు అనేకంటే ఉద్బోధించారు అంటే బావుంటుంది! ఆహా! ఏమి యాగఫలము? అసలే బ్రాహ్మణ జాతి ఇంటి పోరుతో,ఆకలి పోరుతో చిక్కి శల్యమవుతుంటే ఇది మరో చీలికాస్త్రం కాదా అంటున్నారు బుద్దిజీవులు. అయినా ఆయన చేస్తే "యాగం" గానీ "ఆగం" గానీ ఏదో ఒహటి ఔతుంది అనేది ప్రాచుర్యమే కదా! అదటు వుంచి...గుక్కెడు మంచినీళ్ళ కోసం ప్రాంత జనాలు జీవితాల్లో ఉగాదులు లేక గోలెడుతుంటే చేయూతకు బదులు యాగాదులు చేయ కడుంగడు శోచనీయము కాదాయనిన్నీ, ఇయ్యట్టిది " ఆడంబరమో " ఏ "డంబరమో" యని ఆక్రోశించుట వీరి శ్రవణములకు సోకలేదాయని ప్రజలు పరిపరి విధముల భావించుచున్నారు.
రెండు. బ్రాహ్మణుల మీద అంత వాత్సల్యము కలిగినయడల_ తాను "నిమిషం" కూలీ చేసి "లక్ష", గంట పనిచేసి "కోటి" పుచ్చుకున్నట్టు, సదరు బ్రాహ్మణుడు "నమకం" చెప్పి లక్షా "చమకం" చెప్పి రెండు లక్షలు అడిగితే వారు సమర్పించుకోడానికి రెడీయా? లేక మరో వేర్పాటుకు ఏర్పాటు చేస్తారా?